شبكه منتديات المعاليا

منتديات المعاليا
 
الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  المجموعاتالمجموعات  التسجيلالتسجيل  دخولدخول  
التحيه لأهلنا المعاليا في كل بقاع السودان والعالم اجمع,,وهذه دعوه للمشاركه والتفاعل
التحيه لاهلنا في كردفان وعديله وابوكارنكا وكليكلي ابوسلامه

شاطر | 
 

 حقائــــــــــب الذكـــــــــــريات

اذهب الى الأسفل 
كاتب الموضوعرسالة
علي صلاح



عدد المساهمات : 6
تاريخ التسجيل : 13/06/2013

مُساهمةموضوع: حقائــــــــــب الذكـــــــــــريات   الخميس يونيو 13, 2013 11:07 pm

من حقائــــــــــب الذكـــــــــــريات:

أم شلخة منطقة زراعية كبيرة حيث
كان في الماضي تسكنها أعــــــداد
كبيرة من الأسر بعديلة والمناطـــق
المجاورة لها من كل الأطراف وهــي
تقع على بعد تلاتطاشر كيلو متــــر
تقريباً من محلية عديـــلة عند الجزء
الجنوبــي الشرقــي لعديــلة وهي
ذات أراضي زراعية خصبة تزرع فيها
كل أنواع المحاصيل ولها صهريــــج
وبيرين مياه وتواكي ورهود كـــبيرة.
ففي مرة فزعنا القش أربعطاشــــر
كارة حصان ( طبلية ) مشــــــــينا
زراعة أم شلخة والوقت داك كانــت
بعيدة خلاص، أنا ما عارف الفــــرق
شنو في الوقت داك خلاها تكـــــون
بعيــــــدة، المهم أنا ومحمود أخي
طلعـــنا بكارتنا، وود بلل وعلي النق
طلعــــوا بكارتهم، عبدو مِلك وعلي
أخو طلعوا بكارتهم، وعبدالمــــــنان
بنشم وأبوالقاسم طلعوا بكارتهــم،
علي سليمان ومحمود أخـــــو الله
يرحمو طلعوا بكارتهم، ومحمــــــود
بشير وعيسى أخو طلعوا بكارتهـم،
وصلاح دوشة والطيب أخو طلعـــوا
بكارتهم، والنزير محمود ونجم الدين
أخو طلعوا بكارتهم، وسليمان أبــكر
طلع بكارتهم، كنا جماعة ما شاء الله
المهم وصلنا أم شلخة حيث أنــــها
تمتاز بجودة أم أصابع وأم شليلــني
والدفرة والحسكنيت والبنو وكان هناك
أم عاجة عاجة بنعمل بيها الطواقـــي
بأشكال مختلفة، وبعد تم شحن كل
كارة طبعاً عندنا جركانات مخيشـة و
وكل جركانة مليانة موية وفيها عيش
ودُخن وبلح وكابين عليها حبة سكــر
يلا قبل ما نقوم متوجهين للحِلة قمنا
شكلنا الحصين ومشـينا لشــــــدرة
(شجرة) كبيرة كدا وأي زول جــــاب
جركانتو ومعانا صحانة عِيلمون كــبينا
عليها البليلة بعــــد ما شربنا المـوية
قعدنا تونسنا شوية كدا بالرحلة ويـلا
قررنا الرجوع وركــبنا كلنا في كـوارونا
وتقدمـــــتنا كارة ناس بنشم بعـد ما
إستعدل الشـــــــــارع قال كدا وطرد
الحصان ومن هناك الحصين دي قالت
أرح شـوووف ليك جري وكوراك شديد
يا زول نحنا حصانا بكره الكوراك دا مرة
واحدة كدا، بس تقابلنا في مفـــــرق
الشوارع ومن هناك حصانا قام شلــع
بشارع تاني بس فجأة كدا في اللفة
حقة الشارع لاقانا ليك دُقل حق كداد
ولا شنو كدا ما عارف المهم العـــجل
الواقع بمكاني صادفو من قدام فمـن
هناك الكارة قامت فـوق وأنا وقعــــت
بعيد، نحنا الحمدالله طلعنا بالسلامة
لكن الكارة مافضل فيها إلا خشبتين و
وفي خشبة واحدة جارة في التـــراب
الجماعة حصلونا وفي واحدين مشــو
بلقطوا في الخشب المفقود وبعديــن
ود بلل لحقنا بكارتو ولما فكر لقــــــى
علي أخو مافي ومن هناك ضحكــــنا
شديد المهم قمنا لقطنا خشب كارتنا
ومشينا بنفتش في باقي الكوارو بعــد
قريب نص ساعة بعداك لمينا تانـــي و
ماشين ونقص في الرحلة طبعاً كل كارة
رجعت ناقصة خشبة هههااااي.





بقلم: علي صلاح محمود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mohammed dawelbaiet



عدد المساهمات : 12
تاريخ التسجيل : 09/06/2013

مُساهمةموضوع: رد: حقائــــــــــب الذكـــــــــــريات   السبت يونيو 15, 2013 3:21 pm

ههههههههههههههههههههههههههههه 
عمك حسين ما طردكم من ام شلخة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
المعلاوي

avatar

عدد المساهمات : 10
تاريخ التسجيل : 08/06/2013
العمر : 29

مُساهمةموضوع: رد: حقائــــــــــب الذكـــــــــــريات   السبت سبتمبر 14, 2013 5:13 pm

يا حليل ام شلخه والبويطه والسيل وكرويه وبياض وام عشيشات والله ذكرتونا البلد يا ناس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
معلاوي الهويه

avatar

عدد المساهمات : 9
تاريخ التسجيل : 23/04/2014
العمر : 22

مُساهمةموضوع: رد: حقائــــــــــب الذكـــــــــــريات   الأربعاء أبريل 23, 2014 4:59 pm

هههههههههههههههههه , يا سلام , ايام لها ايقاع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حقائــــــــــب الذكـــــــــــريات
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكه منتديات المعاليا :: منتدي تاريخ قبيله المعاليا-
انتقل الى: