شبكه منتديات المعاليا

منتديات المعاليا
 
الرئيسيةالرئيسية  التسجيلالتسجيل  دخولدخول  
التحيه لأهلنا المعاليا في كل بقاع السودان والعالم اجمع,,وهذه دعوه للمشاركه والتفاعل
التحيه لاهلنا في كردفان وعديله وابوكارنكا وكليكلي ابوسلامه

شاطر
 

 اهل جكا مسكين انتكا

اذهب الى الأسفل 
كاتب الموضوعرسالة
جعفر بخيت محمد



عدد المساهمات : 2
تاريخ التسجيل : 13/11/2013
العمر : 47
الموقع : شارف

اهل  جكا مسكين انتكا  Empty
مُساهمةموضوع: اهل جكا مسكين انتكا    اهل  جكا مسكين انتكا  I_icon_minitimeالخميس نوفمبر 14, 2013 10:25 pm

حلق يا صقر الليله حوبتك جات
كسار الرجال نمر الخلا  أب عاجات
حلق يا صقر و اضرب من الجنبات
و الليله الخبر خبر القميريات
الليله الحسود مرضان من العبرات
و يبكي من الألم  و حتى الدموع سايلات
يا معلاوي عز رباط  يا لافي للعوجات
أسياد الملك من الزمان الفات
في زمن الرجال لابسه الجويريات
جدك يا علي كان لابس الخودات
فرزاع للصفوف يا فارس الغزوات
و فرحان أب سباع أب سول
بترد الكلام أسرع من الطلقات
بالرأي السديد بتحكم الجلسات
متلك ما بتجيب كل المديريات
و بي تعز الوطن يا أخو البديريات
***
الليله السلاح فوق أرضنا
و في كل البلاد استمعت الضجه
دا الدابي العشاري الساكن اللجه
و بالرأي و القلم بتقابل الحجه
الليله الحسود  ضرب الخلا و دجه
حار بيهو الدليل و ما عارف الفجه
***
أهلا بي علينا الفارس الضرغام
يا جبل الحديد الإسمك الرزام
يا بحر المحيط ما بيقطعوا العوام
إنت المدفع الخلا القصور شرام
وين الليله وين يا قادة الإجرام
البسوا توب حدادكم و كسروا الأصنام
أرسلناهو ليكم في الصفوف قدام
يا المابنو جاكم فوق رؤوسكم حام[size=18][/size]
الرجوع الى أعلى الصفحة اذهب الى الأسفل
 
اهل جكا مسكين انتكا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكه منتديات المعاليا :: منتدي الشعراء-
انتقل الى: