روضه بت المعاليا

روضه: حمد الصديق
روضه صباحي ب تذاكر
وهي ابتسرح في سبيبه ..
وحاجه حوا مع حفيدا
هي وقرانها على الزريبه ..
قعدة الجد و حفيدو
ليس بالعاده الغريبه ..
فجأةا بس سمعو طلقه
والطلقه كانت جد قريبه ..
وتاني طلقه وتاني طلقه
ما الغدر فيهم ماغريبه ..


عمي حمدان البصلي
هب قام شال بندقيه ..
وثبت الرحمن في قلبو
وودع الأم و الوليه ..
وزغرتن لو وشجعنو
بالوعود النرجسيه ..
٣٠٠٠ من الخلايق
جاءؤا كالسيل من عليه ..
لمو فيهم عمي حامد وعمي جادو
وصحبي حماد والبقيه ..
وصممو الكلمه القويه ..
ما بنزح من دار جدودنا
لو تستمر للمغربيه ..
وروضه واخواتها بيعبن
وروضه كانت .. هي البنيه الفنجريه ..
بت معاليا وماها نيه ..

وطلقه من كلب العروبه
ناغمت روضه الصبيه ..
وسكنتها الجنه فورا
ورائحتها تفوح زكيه ..
وزي اهميه الشجاعه
ما المهم الجاهزيه ..
لقونا نحنا في غفله تامه
فاكرنها الخطه الذكيه ..

ساعتان من القتال
الكتال النارو حيه ..
كانو كافيين لينا نحنا
شان نرمل خمسميه ..
خمسميه وحده فاجره
غشغشت زوجها الضلالي
و عمرت لو البندقيه ..
شان يجينا في دارنا نحن
لي ام رواكيب العصيه ..

الخلوهو في ام راكوبه ميه ..
والماتو في المستشفى ميه ..
في الاتجاه الشرقي ميه ..
والاتجاه الغربي ميه ..
وميه لي كلاب السعيه ..
والدمو سايل .. اوعى تسأل
قالو هم .. سبعميه ...

وروضه كانت .. هي البنيه الفنجريه ..
بت معاليا وماها نيه ..